ANGAZHIMI YNË: Rehabilitim rrënjësor, mbrojtje dhe zhvillim i qëndrueshëm, integruar dhe përgjegjshëm i ambientit

ZOTIMET TONA:

• Ndalim i derdhjes së ujërave të zeza në dete, liqene dhe lumenj, duke ndërtuar impiantet e përpunimit të ujërave të zeza në të gjitha qendrat urbane të vendit.
• Ndalim i shfrytëzimit të lumenjve të tejpërdorur për nxjerrjen e inerteve dhe nxitjen e mundësive alternative.
• Rishikim i konçesioneve për shfrytëzimin e lumenjve dhe lejeve të ndërtimit të hidrocentraleve të vegjël në zonat që mbrohen me ligj dhe ku vlera e tyre natyrore duhet mbrojtur.
• Informim i rregullt dhe i detajuar i publikut për cilësinë e ujërave të plazheve.
• Hartim në nivel kombëtar i kadastrës së burimeve dhe rezervave të ujit të pijshëm, si dhe hartim e zbatim i një plani masash për mbrojtjen e tyre.
• Hartim dhe zbatim i masterplaneve për furnizimin me ujë dhe rrjetin e kanalizimeve të shkarkimit të ujërave.
• Shfuqizim i menjëhershëm i ligjit për importimin e mbetjeve dhe plehrave.
• Ndërtim me ritme të përshpejtuara i fushave të depozitimit dhe përpunimit të mbeturinave, duke nisur që nga qytetet e mëdha e deri në nivel komunash.
• Eliminim sa më i shpejtë i vend-depozitimeve që janë buzë lumenjve.
• Përcaktim i vend-depozitimeve të përshtatshme për shumicën e qyteteve.
• Ndërhyrje emergjente për ndërprerjen e zjarreve në vendgrumbullime.
• Nxitje e përdorimit të lëndëve të para të gjeneruara në vend për industrinë ricikluese e përpunuese.
• Inkurajim reduktimit të mbetjeve nëpërmjet politikave fiskale e promovimit të politikave konsumatore miqësore me mjedisin.
• Ndërhyrje konkrete për menaxhimin e mbetjeve të rrezikshme.
• Fushatë intensive për rritjen ndjeshmërisë ndaj ambientit dhe përfshirjen e brezave të rinj në mirëmenaxhimin dhe zhvillimin e tij.
• Vendosje e standardeve të rrepta për aktivitetet e ndërtimit.
• Përmirësim i monitorimit të cilësisë së ajrit.
• Shtim i sipërfaqeve të gjelbra në zonat urbane dhe përmirësim i pastrimit të pluhurit në këto zona përmes aplikimit të teknologjive të reja.
• Fushata të fuqishme me donatorë ndërkombëtarë për parandalimin e problemeve mjedisore që kërcënojnë shëndetin e banorëve dhe sensibilizimin e banorëve në këtë aspekt.
• Stimulim ekonomik i subjekteve private që kontribuojnë në mbrotjen e ambientit dhe nxitjen e ndjeshmërive ambientaliste.
• Koordinim dhe integrim i planeve të institucioneve shtetërore për mbrotjen e ambientit dhe edukimin e brezave të rinj me ndjeshmëri ndaj ambientit.
• Miratim i një pakete me akte nënligjore për kontrollin e gjuetisë.
• Ndalim i mbajtjes në gjendje robërie të kafshëve të egra.
• Futja e skemave për menaxhimin dhe shfrytëzimin e qëndrueshëm të burimeve natyrore.
• Hartim dhe aprovim i një ligji të ri për bimët mjekësore.
• Rikthejmë pyjet në mushkëri të Shqipërisë përmes:
  • shtimit të sipërfaqes së mbjellë
  • ndalimit efektiv të prerjes së pakontrolluar
  • parandalimit efikas të djegieve stinore
  • shmangies së shfrytëzimit ekstrem
  • ringjallërimit të parqeve dhe zonave të mbrojtura
• Ngritje e një sistemi aktiv monitorimi për erozionin e tokës si në basenet lumore, ashtu dhe në bregdet.
• Rritje e sipërfaqeve të mbjella me bimësi dhe sistemim i zonave në rrezik rrëshqitjeje.
• Rritje e investimeve për mbrotjen nga erozioni.