Postuar më: 01/02/2012
Kryetari i Partisë Socialiste Edi Rama ka reaguar në faqen e tij zyrtare në rrjetin social “Twitter” në lidhje me deklaratat e të parit të palës tjetër. Rama hodhi poshtë akuzat e kryeministrit në mbledhje qeverie se Partia Socialiste propozon një taksë marksiste, referuar taksës progresiste që është bërë publik në Programin e ri socialist “Për një Rilindje Shqiptare”. Për Ramën mund të taksohen njësoj si rrogëtarët edhe biznesmenët. Taksimi progresiv thotë Rama në Twitter është një taksim që e aplikojnë vendet europiane dhe Shtetet e Bashkuara të Amerikës.
Më shumë

Postuar më: 31/01/2012
Vrasjet po zbardhen njëra pas tjetrës mbi prova të padiskutueshme falë ekspertizës më të mirë të botës, ashtu siç po zbardhen edhe lidhjet mes krimit të vrasjeve dhe vullnetit të mbrapshtë për të fshirë gjurmët në selinë e Këshillit të Ministrave. Fati i këtij hetimi është vetë fati i shtetit të së drejtës në Shqipëri dhe ndëshkimi i vrasjeve është mësimi më i madh që drejtësia mund t’i japë politikës së uzurpimit të pushtetit për qëllime e interesa të errëta që nuk kanë të bëjnë askund me qëllimet e larta kombëtare e me interesat jetike të popullit shqiptar. Kushtetuta s’mund të shkelet duke vrarë njerëz dhe as mund të përdoret si argument për të justifikuar vrasjen e qytetarëve aq më tepër të protestuesve ndaj qeverisë.
Më shumë

Postuar më: 31/01/2012
Le ta formulojmë sa më parë një nisëm ligjore parlamentare dhe t'i vëmë këto financime në dispozicion të administratës vendore atje. Asgjë kundër vendimit të qeverisë shqiptare për të ndihmuar me një financim restaurimin e një kishe serbe në Graçanicë. Por pse të mos financojë Shqipëria edhe investime kaq jetike për shqiptarët e luginës së Preshevës. S’ka asnjë arsye për të mos e bërë dhe asnjë arsye për të menduar se qeveria shqiptare do ta kundërshtojë këtë nisëm tonën. Prandaj ta formulojmë dhe depozitojmë pa humbur kohë. Ndërkohë kryetari i komisionit parlamentar të integrimit Ditmir Bushati do të përgatisë me kolegë e me ekspertë një paketë të plotë propozimesh në funksion të një strategjie të përbashkët
Më shumë