Postuar më: 20/01/2012
Reagim të menjëhershëm ka patur Edi Rama në faqen e tij zyrtare në Twitter teksa ka marrë informacione mbi deklarime të palës tjetër e kapur së fundi në disa skandale videopërgjimi. Edi Rama i ka përkufizuar thjesht si hajdutë ata që sot bërtasin për gjoja drejtësi, vetëm pak ditë pasi Gjykata e Lartë liroi si të pafajshëm ish zëvendëskryeministrin për një aferë korruptive që të gjithë shqiptarët e panë me zë e me figurë. Kryetari Rama shkroi në Twitter: “Hajdutët që po ulërijnë këto ditë kapini hajdutët janë fytyra e dëshpëruar e pushtetit që në 21 janar vrau pasi vodhi me zë e me figurë!”
Më shumë

Postuar më: 20/01/2012
Unë dhe të gjithë kemi dalë këtu për të protestuar për mungesën e theksuar të energjisë elektrike në Kombinat. Është një situatë skandaloze dhe e padurueshme. Me orë të tëra këta qytetarë vuajnë pa drita dhe nuk ka asnjë mundësi për të jetuar dhe për të zhvilluar një jetë normale, në kushte minimale. Kombinati, por edhe një pjesë e Tiranës, sot vuan mungesën e energjisë elektrike dhe kjo është një situatë e padurueshme. Ne do vazhdojmë të protestojmë deri kur qeveria t’i thërrasë mendjes se ndaj qytetarëve duhet të tregojë respekt, duke i ofruar kushte minimale jetese. Këtu hyn edhe energjia elektrike.
Më shumë

Postuar më: 20/01/2012
Llumi korruptiv i qeverisë ka dalë në sipërfaqe dhe tashmë nuk ka një njeri më që e dyshon,  ndërkohë  segmente të caktuara të gjyqësorit janë të kapura deri në fund nga Sali Berisha. Po skalitet sistemi i pandëshkueshmërisë duke garantuar imunitet ndaj atyre zyrtarëve të lartë përfshirë edhe ministra, apo zv.kryeministrit në rastin konkret, apo dhe familjarët e kryeministrit, të cilët  dhe pse janë të përshirë në korrupsion mbrohen nga sistemi gjyqësor. Segmente të caktuara të sistemit gjyqësor po kthehen në kamxhik politik ndaj opozitës dhe deputetëve të opozitës.
Më shumë