Postuar më: 06/02/2010

Në një reagim deputetja e Partisë Socialiste Ermonela Felaj, u tha mediave se Aldo Bumci , Ministri i cili do të mbahet mend si ministri i drejtësisë që firmosi për llogari të Shkëlzenit, Gërdecin, nuk mundet kurrsesi ti tregojë PS Rezolutën e KiE.
Felaj në komunikimin e saj publik në pasditen e së shtunës tha se zvarritja e dialogur nuk mund ta pengojë popullin opozitar të përgatitet për protesta në mbrojtje të lirisë dhe demokracisë.

Më poshtë deklarata e deputetes së PS, Ermonela Felaj:

Ministri që firmosi Gërdecin për llogari të Shkëlzenit  nuk mund të na tregojë Rezolutën e Këshillit të Europës për llogari të pushtetit të Saliut.

Zvarritja e dialogut nuk mund të ndalojë përgatitjet për protesta dhe mos hapja e kutive nuk mund të mbyllë rrugën tonë drejt lirisë e demokracisë përmes protestave.

Duke mos hapur kutitë Sali Berisha po mban jashtë parlamentit opozitën dhe po detyron popullin t’i hapë rrugë lirisë së votës me protesta të pandalura.