Postuar më: 11/01/2009
Shqiptarët e kanë humbur edhe shansin e presidencës çeke, e cila tashmë ka filluar punën në drejtimin e BE. Presidenca Çeke një nga përparësitë kryesore të saj kishte liberalizimin apo lehtësimin e vizave, pra lëvizjen e lirë të shtetasve të Ballkanit Perëndimor. Ne rezultojmë që edhe këtë vit të mos kemi një lehtësim apo liberalizim vizash me BE. Në fund të 2008 Komisioni Europian, i paraqiti vendeve anëtare të BE një raport, lidhur me plotësimin apo përmbushjen e të gjithë detyrimeve që kanë shtetet e Ballkanit Perëndimor lidhur me lëvizjen e lirë të shtetasve. Për fat të keq, Shqipëria është e grupuar në grupin e tretë sëbashku me Bosnjë Hercegovinën dhe padyshim vendet e tjera të rajonit Maqedonia, madje edhe Serbia, Mali i Zi e kanë lenë pas vendin tonë. Vendi ynë është i çiftëzuar me Bosnjë Hercegovinën, e cila dihet që është një vend me një problemtikë mjaft komplekse dhe serioze, ndërsa Shqipëria e cila e ka nisur procesin e integrimeve shumë më herët se të gjitha këto vende, përveç Maqedonisë, për fat të keq ka mbetur e fundit. Njëherazi më lejoni të bëj me dije për opinionin publik, se qeveria sikurse ka dështuar në të gjitha premtimet elektorale që i ka paraqitur shtetasve shqiptarë edhe për lehtësimin apo liberalizimin e vizave rezulton e dështuar. Më lejoni të kujtoj, që në 2006 ministrja e integrimit premtoi që brenda 2006 do të ketë liberalizim vizash me BE dhe me vendet përkatëse të këtij bashkimi. Gjithashtu një vit më parë komisioneri Fratini erdhi në Shqipëri dhe nënshkroi marrëveshjen me qeverinë shqiptare lidhur me përmbushjen e detyrimeve dhe angazhimeve që do të ketë Shqipëria për lehtësimin apo liberalizimin e vizave. Shqiptarët e kanë humbur edhe shansin e presidencës çeke, e cila tashmë ka filluar punën në drejtimin e BE. Presidenca Çeke një nga përparësitë kryesore të saj kishte liberalizimin apo lehtësimin e vizave, pra lëvizjen e lirë të shtetasve të Ballkanit Perëndimor. Ne rezultojmë që edhe këtë vit të mos kemi një lehtësim apo liberalizim vizash me BE. Pra rezluton të jetë një flluks sapuni, si të gjitha mashtrimet, që qeveria dhe kjo mazhorancë e Sali Berishës i kanë bërë shqiptarëve. Nëqoftëse do t'i referohemi raportit, i cilli është hartuar mbi bazën e raportimvee të vendeve përkatëse, pra Shqipëria, maxhoranca është e qartë që nuk i ka përmbushur këto standarde, sepse raporti është hartuar mbi bazën e raportimeve të vendeve përkatëse. Bëhet fjalë për katër blloqe kryesore. Blloku i parë ka të bëjë me pajisjen e shtetasve me kartat e identietit, pra është një premtim i pambajtur, nuk është bërë progres dhe ka paqartësi. Gjithashtu detyrimet që ka Shqipëria ndaj BE, për administrimin e marrëveshjes së ripranimit, pra në rastet e emigracionit ilegal, duhet që vetë vendi të ketë masat përkatëse lidhur me ripranimin edhe integrimin në shoqëri. Edhe këtu është bërë shumë pak, lidhur me rendin dhe sigurinë publike. Opinioni publik është tashmë i njohur me atë çka ka ndodhur tre-katër ditët e fundit, pra siguria e shtetasve është e kërcënuar, madje edhe vetë policia është e shqetësuar për ekzekutimet e tipit mafioz. Lidhur me angazhime të tjera, sikurse ka të bëjë me menaxhimin e integruar të kufijve, edhe në këtë ne kemi patur vërejtje. Gjithashtu opinioni publik shqiptar dhe ndërkombëtar është i njohur edhe me mungesat dhe me mangësitë serioze me menaxhimin e integruar të kufijve. Përsa i përket angazhimeve lidhur me fushtën e eklektorale, që Sali Berisha ka lançuar tashmë edhe përmes spoteve televizive, më lejoni t'ju them që është një mashtrim i madh. Shqiptarët më mirë se kushdo tjetër e kanë të qartë se çfarë është bërë vetëm për lehtësimin e procedurave dhe barrierave për marrjen e vizave, sepse rradhët e gjata vazhdojnë të mbeten të pranishme në ambasadat dhe konsullatat e vendeve të BE. Pra nuk e di a ka ndonjë datë qeveria tashmë dhe sesi do të japi llogari përpara atyre që e kanë zgjedhur dhe që i kanë dhëne mandatin për të qeverisur në prag të kësaj fushate. Një gjë është e qartë dhe shqiptarët janë mëse të ndërgjegjësuar se ora kur kjo maxhorancë do të largohet me votimin plebishitar të të gjitha shtetasve shqiptarë po afron. Ajo shumë shpejt do të largohet nga pushteti për t'i lenë vendin një mazhorance më serioze, e cila padyshim do të plotësojë të gjitha angazhimet lidhur me heqjen e barrierave për liberazimin e vizave dhe shqiptarët do të lëvizin me dinjitet dhe do të përfitojnë nga lëvizja e lirë e shtetasve, jo vetëm brenda rajonit, por në mënyrë të veçantë në vendet anëtare të BE, duke afruar njëherazi edhe datën që Shqipëria të jetë vend kandidat për në BE.