English Version 

Postuar më: 19/12/2008
Kryetari i Partisë Socialiste, Edi Rama, lançoi të mërkurën në Pallatin e Kongreseve, Rrjetin e Vullnetarëve. Kjo është një risi që Partia Socialiste sjell në mënyrën e organizimit. Në një atmosferë të zjarrtë, e krijuar nga të rinjtë që kishin ardhur nga të gjithë qytetet e vendit, lideri i opozitës theksoi se Shqipëria evropiane është ëndrra e kujtdo. Sipas Ramës, është detyrimi i të rinjve, për ta ndërtuar Evropën në Shqipëri. Rama i cilësoi këta të rinj si zëdhënës të nevojës për ndryshim dhe lajmëtarë të rrugës së ndryshimit.

Postuar më: 12/12/2008
Në Ditën Ndërkombëtarë të Antikorrupsionit, Kryetari i Partisë Socialiste, Edi Rama, është shprehur, se është dita për të kërkuar drejtësi për 26 viktimat e pafajshme të Gërdecit, për qindra familjet e dëmtuara nga vullkani i korrupsionit shtetëror. Lideri i opozitës nënvizoi, se është dita kur shqiptarët të kërkojnë drejtësi për qindra miliona euro të grabitura nga fondet e rrugës Durrës-Kukës, por edhe për abuzimet e pushtetit me pronat. "Është dita kur shqiptarët, - theksoi Rama, kanë nevojë më shumë se asnjëherë, për të kthyer faqen e zezë të keqqeverisjes së 17 vjetëve tranzicion, që me Sali Berishën, kanë shënuar kulmin e shpërdorimit të votës së shqiptarëve."

Postuar më: 31/12/1970

Partia Socialiste ka ngritur shqetësimin se në një kohë kur duhet të punohet e bashkëpunohet me opozitën për reformimin e sistemit të drejtësisë, opinioni publik dhe partnerët ndërkombëtare marrin përditë prova të reja të deformimit të marrëdhënieve mes qeverisë e drejtësisë. PSSH ka denoncuar publikisht farsën për dy çështjet gjyqësore të ministrit Basha dhe biznesmenit Fazlliç, duke i bërë apel qeverisë të largojë duart nga drejtësia. Sipas selisë rozë, asnjë gjykim i cënuar ligjërisht dhe moralisht nuk mund ta shpëtojë nga drejtësia ministrin e pandehur dhe sekserin serb të Sali Berishës