Postuar më: 11/06/2010

Sipas anketës së fundit të Bankës Botërore për klimën e biznesit në Shqipëri, rezulton se që nga viti 2005, korrupsioni në Shqipëri jo vetëm që nuk është ulur , por përkundrazi ai është rritur edhe më tepër. Sipas raportit te Bankës Botërore në vitin 2009, rreth 58% e bizneseve pranojnë të kenë paguar ryshfete ndaj organeve të shtetit, ndërsa 58% të tjerë e konsiderojnë korrupsionin si një pengesë kryesore e bizneseve. Korrupsioni në Shqipëri rezulton gjithashtu si një nga pengesat më të mëdha për investimet direkte të huaja, së bashku me keq-zbatimin e legjislacionit. Shqipëria është e fundit në rajon për investime të huaja direkte, ndërsa që nga 2005 "taksa e ryshfetit" është shtuar me 2.3 herë, duke u kushtuar bizneseve shqiptare rreth 10% të xhiros së tyre në 2009.