Postuar më: 11/06/2010

Sipas të dhënave të katër mujorit të parë 2010, qeveria shqiptare ka dështuar në mbledhjen e të ardhurave sipas planifikimeve në buxhetin e përgatitur për këtë vit. Një sërë shifrash të tjera rezultojnë të kenë tejkaluar në masë shumë të madhe planifikimet e Ministrisë së Financave për buxhetin 2010. Kështu të ardhurat nuk janë realizuar me 9.8 miliardë lekë, dhe buxheti i shtetit rezulton me deficit pavarësisht uljes së paralajmëruar të shpenzimeve. Deficiti deri në muajin Prill ishte planifikuar të ishte 1.269 miliardë lekë, ndërsa në realitet ai është 4.328 miliardë lekë, pra më se 3 herë më tepër. Derimë tani qeveria nuk ka dhënë ende asnjë shpjegim për këto shifra, ndërsa vazhdon të mohojë që financat publike në vend po kalojnë krizën që ilustrojnë shifrat e mësipërme.